“Victim Blame မလုပ်ပါနဲ့” တဲ့ ။

ဘယ်သူက Victim လဲ? ဆိုတာ သက်သေနဲ့တကွ ကွဲကွဲပြားပြားမသိရသေးဘဲနဲ့ကို အဲလိုတွေအော်ကြတော့တာ။
Victim ဆိုတာ “မုဒိန်းကျင့်ခံရပါတယ်လို့ အော်နေတဲ့သူ ” လို့အဓိပ္ပာယ်မရဘူး။

“လှည့်စားဖျားယောင်းခံရသူ၊
ရန်မူခံရသူ၊ စော်ကားခံရသူ၊
ဘေးဒုက္ခရောက်သူ ” တွေကို Victim လို့ခေါ်တာ။

“မိန်းမသားတစ်ယောက်က ဘယ်နည်းနဲ့မှ သူ့အရှက် သူခွဲပြီး ဘလာဘလာဘလာ @&$$&&”?;;:”

အိုကေ
အရှက်ရှိတယ်ဆိုတာ မိန်းမဖြစ်ခြင်း ၊ ယောက်ကျားဖြစ်ခြင်း နဲ့မဆိုင်ဘူး။

ဆင်းရဲခြင်း ၊ ချမ်းသာခြင်းနဲ့လည်းမဆိုင်ဘူး၊

ရုပ်ဆိုးတာ ၊ ရုပ်လှတာနဲ့လည်းမဆိုင်ဘူး။

ပညာတတ်ခြင်း ၊ ဉာဏ်နည်းခြင်းနဲ့လည်းမဆိုင်ဘူး။

အရှက်တရားဆိုတာ လူတစ်ဦးချင်းစီရဲ့ ပုဂ္ဂလိက ခံယူချက် နဲ့ပဲဆိုင်တယ်။
သူဘာကိုရှက်တတ်လဲ? ဆိုတာပဲ။

ဒီနေရာမှာ ကြုံတုန်းပြောရရင် မုဒိန်းကျင့်ခံ ရတာဟာ ရှက်စရာမဟုတ်ဘူး လို့ခံယူပါတယ်။
ရှက်မယ့်ရှက် မုဒိန်းကျင့်တဲ့သူကပဲရှက်ရမှာ။
ဒီလိုပြောလို့ မုဒိန်း(တကယ်) ကျင့်ခံရသူတွေက Victim မဟုတ်ဘူးလို့ ဆိုလိုတာမဟုတ်ဘူး။

သူအလိုမတူတဲ့ ကိစ္စတစ်ခုကို အဓမ္မအတင်းလုပ်ယူခံရတဲ့အတွက် ၊ သူဟာ အနိုင်ကျင့်ခံရသူဖြစ်တဲ့အတွက် သူဟာ Victim ပဲ။

ဒီအတွက် သူ့မှာ မှန်ကန်တဲ့ လမ်းကြောင်းအတိုင်း တရားစွဲပိုင်ခွင့်ရှိတယ်။
သူ့ဆုံးရှုံးမှုတွေအတွက် ရင်ဆိုင်နိုင်ခွင့်ရှိတယ်။

ဒါပေမယ့် မုဒိန်းကျင့်ခံရခြင်းအတွက် သူ့ဘဝဟာ လမ်းမဆုံးသွားဘူး။

ပတ်ဝန်းကျင်မှာ လူတစ်ချို့ရှိတယ်။
မုဒိန်းကျင့်ခံရတဲ့သူတွေကို သနားတာလည်း သူတို့အပြင်မရှိဘူး။
အေး …… ကိုယ့်တူ ၊ ကိုယ်သား ၊ ကိုယ့်မောင်ဘွား တစ်ယောက်ယောက်ကများ ဒီလို မုဒိန်းကျင့်ခံထားရဖူးတဲ့ အမျိုးသမီး တစ်ဦးကို” မိသားဖသား ပီပီ တင့်တောင်းတင့်တယ် လက်ထပ်ပြီး ဇနီးမယားအဖြစ် သေတပန် သက်တစ်ဆုံး ပေါင်းသင်းချင်ပါတယ် ” လို့ဆိုလာရင် အကြောက်အကန်ကို ငြင်းကြတော့တာ။
ကမ္ဘာပျက်မတတ် ငြိုးရန်တွေ ဖွဲ့ကြတော့တာ။
မေးချင်တာက “သနားတယ်ဆိုတာ” ဘာကို သနားတာလဲ?
ကိုယ့်ထက် နိမ့်ကျသွားတယ်မှတ်ယူပြီး သနားတာလား?
အနိုင်ကျင့်ခံရတဲ့ သူ့ဘဝကို တကယ်စာနာပြီးသနားတာလား?
ကိုယ့်ကိုယ်ကို ပြန်ဆန်းစစ်သင့်တယ်။

တစ်ခုခုဆို” နှမချင်းမစာနာကြဘူး။ အမေချင်းမစာနာကြဘူး” နဲ့ ။
မျှမျှတတတွေးကြကြေးဆိုရင် မေးချင်တာက
“အကိုချင်းရောစာနာဖူးလား?”
“မောင်ချင်းရောစာနာဖူးလား?”
“အဖေချင်းရောစာနာဖူးလား?” လို့။

နောက်ဆုံးအချုပ်ပြောရရင်
ဘယ်ကိစ္စမဆို ကောက်ချက်ချမစောကြပါနဲ့။
ပေါင်ချိန်စကားတစ်ခုရှိတယ်
“အချိန်တန်ရင် သက်သေတွေက စကားပြောလိမ့်မယ်။”
#NOe

Leave a Reply

Your email address will not be published. Required fields are marked *