ကိုယ့်အထာနဲ့ကိုယ်

တစ်ချို့ကမေးကြတယ်။
“ခင်မြတ်နိုး” ဆိုတဲ့ နာမည်မှာ “မြတ်”ဆိုတဲ့ စာလုံးကို English လိုပေါင်းရင် ဘာလို့ “myat” လို့မပေါင်းဘဲ “Mrat” လို့ပေါင်းရတာလဲတဲ့။
တစ်ချို့ကလည်း ပေါင်းထားတဲ့ စာလုံးအတိုင်း “ခင်မရတ်နိုး”လို့လိုက်ခေါ်ကြလို့လည်း ကျောချမ်းမိရသေးတယ်။
( “ရခိုင်အသံထွက်အတိုင်းရအောင်ရေးတာမလား” လို့ထင်ကြေးပေးတဲ့သူတွေကရှိသေးတယ်။)
မေးလာတော့လည်းဖြေရတော့တာပေါ့။Sign
တကယ်တော့ ဒီလိုဗျ ။ ကျုပ်နာမည်ကို English လိုပေါင်းလိုက်ရင် စာလုံးတွေ အားလုံးကို မျဉ်းအပေါ်မှာပဲရှိစေချင်လို့ပါ။ တကယ်လို့ ပုံမှန်အတိုင်း”မြတ်”ကို “Myat” နဲ့သာပေါင်းမယ်ဆိုရင် “y” တစ်လုံးတည်းကွက်ပြီး မျဉ်းအောက်ရောက်နေတာကို မကြိုက်လို့ “y” အစား “r” သုံးပြီး ရေးတာပါ။

ဒီလိုစရေးခဲ့တာ ကျုပ် ၈တန်း ကျောင်းသားဘဝကတည်းကပဲ။ ဂျိုစကြွတဲ့ ၁၃ နှစ်သားအရွယ်ကိုဗျ။
(“အတန်းထဲမှာရော တစ်ကျောင်းလုံးမှာပါ နာမည်ကို ဒီလို စာလုံးပေါင်းတာ ငါတစ်ကောင်ပဲရှိတယ်ကွ” ဆိုပြီးလည်း လူမသိ သူမသိ ကြိတ်ပြီး ဂုဏ်ယူခဲ့ဖူးသေးတယ်။)
စာလုံးပေါင်းမှားတာလည်းမဟုတ်ဘူး။
သူများလုပ်လို့ လိုက်လုပ်တာလည်းမဟုတ်ဘူး။
လူမျိုးရေးနဲ့လည်းဘာမှမဆိုင်ဘူး။
ဘယ်သူမှမြှောက်ပေးတာလည်းမဟုတ်ဘူး။
ကျုပ်ဆိုသည်မှာ ကိုယ့်အထာနဲ့ကိုယ်နေတာ။
” ရူးပါ့ ” လို့ပဲ ဆိုချင်ဆို ဗျာ ။ကျုပ် အတွေးနဲ့ကျုပ်တော့ ဟုတ်နေတာပဲလေ။

6 thoughts on “ကိုယ့်အထာနဲ့ကိုယ်

  1. Mranma ပြည်သားလေး၊
    Khin Mrat Noe

    သင်သည် အာဏာရူးနေဝင်းက မီရမ်မာ ဆိုပြီးတိုင်ပြည်ကို သူ့စိတ်ကြိုက် အင်္ဂလိပ် Myan (မီရမ်) လို့လုပ်သွားတာ ယ္ခုတော့ အလိုအလျောက် သိသွားပြီပေါ့။

    1. ဦးနေဝင်းလက်ထက်မှ မြန်မာ ဖြစ်တာလား ?
      အစကတည်းက မြန်မာ မဟုတ်ဘူးလား?

Leave a Reply to admin Cancel reply

Your email address will not be published. Required fields are marked *