မိမိမှာ ရခိုင်ဖြစ်ကြောင်း လူစိမ်းတွေကြား ပြောမိသောအခါ

မိမိမှာ ရခိုင်ဖြစ်ကြောင်း လူစိမ်းတွေကြား ပြောမိသောအခါ အမေးခံရလေ့ရှိသော မေးခွန်းများထဲမှ မိမိသဘောမတွေ့သည့်မေးခွန်းအချို့

– ရခိုင်ဖြစ်ပြီး ဘာလို့ အသားတွေ ဖြူနေရတာလဲ?
– ရခိုင်ဖြစ်ပြီး စကားလဲမဝဲဘူးကော။
– ရခိုင်ဆိုတော့ အစပ်ကြိုက်မှာပေါ့။
– ရခိုင်တွေက ဆီမစားဘူးနော်?
– ရခိုင် မုန့်တီချက်တတ်လား?

သိစေချင်တာက
– ရခိုင်ဖြစ်ရင် အသားမဲ ရမယ်လို့ ဘယ်သူကများ သတ်မှတ်ခဲ့လဲ?
ဖြူသူရှိသလို၊ မဲသူလည်းရှိတယ်။
အညိုဆင်တွေတောင်ရှိသေး။

– စကားဝဲတယ်ဆိုတာဘယ်လိုမျိုးလဲ?
ဗမာစကားက ရန်ကုန်လေသံနဲ့ပြောမှအမှန်လား?
ဒါဆိုရင်တော့ မထူးဆန်းဘူး။
အသက် က၂၆၊ ရန်ကုန်မှာနေတာ ၂၄ နှစ်ရှိနေပြီရန်ကုန်လေသံပေါက်မှာပေါ့။
ရန်ကုန်ကလူတွေအချို့က ဗမာအချင်းချင်းကိုတောင် အညာသားတွေဆို စကားဝဲတယ်လုပ်ချင်ကြတာ။

– အစပ်ကြိုက်လားဆိုတော့ အစပ်လည်းကြိုက်တယ် ၊ အချိုလည်းကြိုက်တယ် ၊ အချဉ်လည်းကြိုက်တယ်၊ အငံလည်းကြိုက်တယ် ၊ အဖန်လည်းကြိုက်တယ် ၊ အခါးလည်းကြိုက်တယ်။ အဲဒါကြောင့် ဒီကိုယ်လုံးဖြစ်နေတာ။ ဘယ့်နှယ် မသိရင် ရခိုင်တွေက ငရုပ်သီးတွေချည်း ထိုင်စားနေတဲ့ ပုံမျိုး။

– ဆီစားတာ ၊ မစားတာတော့ အများကြီးမရှင်းချင်ဘူး။
ဓညင်းသီးပြုတ်ကို ဗမာတွေ ငပိရည်နဲ့တွဲစားချိန်မှာ ရခိုင်တွေက ဆီခွက်ထဲ နှစ်နှစ်ပြီး သရေစာလိုစားတာပဲကြည့်တော့။
(သူ့ဓလေ့နဲ့သူ ဆီစားကြပုံကို ဥပမာပေးတာပါ။ ဗမာတွေကို စော်ကားတာမဟုတ်ဘူးနော် ။ )

– မုန့်တီချက်တဲ့ ကိစ္စကတော့ ပြန်မေးချင်တာ ဗမာတိုင်းရော မုန့်ဟင်းခါးချက်တတ်ကြလို့လား?
ကရင်တိုင်းရော မျှစ်တာလပေါ ချက်တတ်ကြလား?
ရခိုင်တိုင်း မုန့်တီမချက်တတ်ကြဘူး။
နောက်ပြီး ရခိုင်တိုင်းလည်း မုန့်တီမကြိုက်ဘူး။
ကိုယ်တွေဆို မုန့်တီထက် မုန့်ဟင်းခါး ပိုကြိုက်တယ်။
#NOe

Leave a Reply

Your email address will not be published. Required fields are marked *