ငနိုးနှင့် E – Ticket

ဒီမနက်ကပေါ့ အမေက အဖွား နယ်ပြန်မှာမို့ လေယာဉ်လက်မှတ်ဝယ်ဖို့ မြို့ထဲသွားမယ်ပြောတော့
လျှာရှည်တဲ့ ငနိုူးတစ်ယောက် “ဒီလောက်ခေတ်ကြီးမှာ လေယာဉ်လက်မှတ်ဝယ်ဖို့များ မြို့ထဲသွားစရာမလိုပါဘူး။Online ကနေလုပ်လိုက်ရုံပဲ”လို့ အာချောင်မိတယ်လေ။
ကိုယ်တွေက IT နယ်ပယ်ထဲကလေ။ IT သုံးရင် ဘယ်လောက် လွယ်ကုူတယ်ဆိုတာ သက်သေပြချင်တာကိုး။

“အဲ့လို့ဆိုလည်း ပိုက်ဆံယူသွား။စနေနေ့ပြန်မယ့် လေယာဉ်လက်မှတ်ကို ဒီနေ့အရောက်လိုချင်တယ်”ဟု မယ်တော် မားသားကြီးက တစ်ချက်လွှတ် မိန့်တော်မူတယ်။

ရုံးရောက်တော့ ကွန်ပြုူတာလေးဖွင့် ဟိုရှာ ၊ ဒီရှာလုပ်ပြီး စျေးတွေလိုက်ကြည့်။ သဘောတွေကျပြီး အသက်သာဆုံးဆိုတာလေးကို ရွေးပြီး Booking လုပ်။
Payment လည်းကြည့်လိုက်တော့မှ “ငါ့ လခွမ်း ” Online Banking နဲ့မရဘူးဟ။1-Stop လည်းမရဘူး။ Master , Visa နဲ့ပဲရမယ်တဲ့။ ဒါမှမဟုတ် သူတို့ ရုံးချုပ်မှာ ငွေလာသွင်းရမယ်တဲ့။

“မှန်းစမ်း။ “Online Banking ရတဲ့ Airline တွေပြန်ကြည့် လိုက်ပြန်တော့လည်း စျေးက ထက်ဝက်မကပိုများနေတယ်။
ဟူး…………………………………

ဘာလုပ်ရမယ်မှန်းကို မသိတော့ ဘူး။ရုံးအတွက်သုံးတဲ့ Master ကတ်ကြီးကိုလည်း Personal အတွက်မသုံးချင်ဘူး။အလကားနေ စျေးပိုတွေလည်း မပေးချင်ဘူူးရယ်။

နေ့လည်ကျမှ သူတို့ရုံးမှာငွေသွားသွင်းပြီး ညဘက် အိမ်ပြန်ရောက်မှ “အမေရေ ။ ဟော့ဒီမှာ Online ကနေဝယ်တဲ့E Ticket ဆိုတာကြီးလေး”ဆိုပြီး ခပ်တည်တည်နဲ့ပေးလိုက်တော့မယ်။
လွယ်တော့မလွယ်ဘူး။ ဒါပေမယ့် ကြံတတ်ရတာပေါ့လေ။

ချောင်ချင်ဦးအာ။

ရှည်ချင်ဦး လျှာ။

Leave a Reply

Your email address will not be published. Required fields are marked *