စျေးသွားရင် နိုးက အခုလို ဗူးလေးတွေ ယူသွားဖြစ်တယ်

စျေးသွားရင် အခုလို ဗူးလေးတွေ ယူသွားဖြစ်တယ်။သဘာဝပတ်ဝန်းကျင် ကို ဂရုစိုက်လွန်းလို့ဆိုတာထက် အသား ၊ ငါးတွေက ကြွတ်ကြွတ်အိတ်နဲ့ဆို အဆင်မပြေလို့။ဥပမာ – ပုစွန်လိုဟာမျိုးဆို ခေါင်းက အစူးတွေက အိတ်ကိုဖောက်တော့ ခြင်းထဲမှာ ပုစွန်အရည်တွေ စီးကျကုန်တာမျိုး။- ငါးတန်လို အသားပျော့တဲ့ ငါးတွေအရင်ဝယ်မိတဲ့အခါ သူ့အပေါ်မှာ အခြားပစ္စည်းတွေနဲ့ဖိမိသွားရင် ငါးအသားတွေနာသွားတာမျိုး။- အမဲသားတွေလိုအသားမာတဲ့ဟာတွေလည်း ကြွတ်ကြွတ်အိတ်နဲ့ဆို အပေါ်ကအဖိခံရရင် အသားထဲကအရည်တွေထွက် ၊ အဲ့အရည်တွေက ခြင်းထဲမှာထပ်ပွ။အဲလိုမျိုး ဒုက္ခတွေကို မခံစားချင်လို့ အခုလိုဗူးလေးတွေနဲ့ပဲဝယ်ဖြစ်တယ်။အသားငါးတင်မက ပဲပြားတို့ ၊ ပဲကြီးတို့ ဘာတို့ဝယ်လည်း ဒီလိုဗူးလေးနဲ့ပဲထည့်လာခဲ့တယ်။သီတာဈေးက မိမိဝယ်နေကျ ဈေးသည်တွေဆိုသိနေကြပြီ။”ဗူးလေးတွေ နဲ့ဝယ်တဲ့ အစ်မကြီး” ဆိုပြီး။တစ်ချို့က”အိမ်ရောက်ရင် ရေခဲသေတ္တာထဲတန်းထည့်ရုံပဲပေါ့” ဆိုပြီးပြောကြသေးတာ။အမှန်တော့ ဗူးနဲ့ပဲ ဝယ်ဝယ် ၊ အိတ်နဲ့ပဲဝယ်ဝယ် ရေခဲသေတ္တာထဲထည့်မယ်ဆို အိမ်ရောက်ရင် အကုန်ပြန်ဆေး ၊ ပြန်ကိုင်ရတာပါပဲ။ပုစွန်တို့ ၊ ငါးသေးသေးလေးတို့ပါတဲ့နေ့ဆိုပိုဆိုး။အခွံချွတ်ရတာနဲ့ ၊ ငါးလေးတွေခေါင်းချိုးရတာနဲ့။အသားတွေဆိုလည်း မထူးပါဘူး။ဆားနဲ့သေချာပွတ်ပြီး ၃-၄ ရေလောက်ဆေးရတာ လက်ချောင်းလေးတွေဆို ပဲကြီးခွံလို့တွန့်လို့။ဒီနေ့လိုမျိုးဆို ဘေစင်မှာရပ်ရတာကြာလွန်းလို့ ခြေထောက်တွေ အမြစ်တွယ်ပြီး အပင်ပေါက်လောက်တယ်။

ကိုယ်တွေက လူနည်းတဲ့အိမ်မို့ ဒီလောက်လေးပဲပင်ပန်းတာ။အမေဆို မနက်စောစောဈေးသွားပြီး အခုလိုအသားတွေ ငါးတွေကိုင်ရင် နေ့တစ်ဝက်ကျိုးပဲ။ပြောချင်တာက အခုလို ဗူးလေးတွေနဲ့ ဈေးဝယ်ရတာအဆင်ပြေပါတယ်လို့။

#NOe

Leave a Reply

Your email address will not be published. Required fields are marked *