ကျေးဇူးတင်ပါတယ်ရှင့်

gg

ပထမ ဦးစွာ သက်ရှိထင်ရှားမရှိတော့ပေမယ့် သံသရာတစ်လျှောက်လုံးမှာ အဆင်ပြေပြေနေတတ်ထိုင်တတ်အောင် ဆောင်ရန် ရှောင်ရန်တွေကို လမ်းပြတော်မူခဲ့တဲ့ မြတ်စွာဘုရားရဲ့ အနန္တ ကျေးဇူးတရားတွေကို ဦးခိုက်ပါတယ်။
နောက်ပြီး ဒီအသက်အရွယ်ထိ လူဖြစ်အောင် မွေးခဲ့တဲ့ အမေ ၊
ကွယ်လွန်သွားပြီဖြစ်ပေမယ့်( သူ့အနေနဲ့ ဘယ်သူ ဘယ်ဝါရယ်လို့တောင်မသိတဲ့) နိုးတစ်ယောက် စိတ်ဓါတ်တွေကျပြီးအရာအားလုံးကို ရပ်တန့်လို့ ကျောခိုင်းလွှတ်ချလိုက်ချင်စိတ်တွေပေါ်လာတိုင်း ပြန်လည်စိတ်ဓာတ်တက်ကြွလာဖို့ နဲ့ ယုံကြည်ရာကို သတ္တိရှိရှိဆက်လျှောက်နိုင်ဖို့ စိတ်ဓာတ်ခွန်အားတွေပေးနိုင်တဲ့ ပုံပြင်ကောင်းတွေ ချန်ထားပေးခဲ့တဲ့ Mr.Steve Jobs ၊
အလုပ်နဲ့ပတ်သတ်လာရင် နိုးဘာပြောပြော ခေါင်းညိတ်ပြီး အလိုလိုက်ပေးတတ်တဲ့ သူငယ်ချင်း Yoe Tha ၊
ပထမဆုံး “ဝ လုံး “သင်ပေးခဲ့ဆရာမ အစ လက်ရှိလေ့လာနေဆဲ ပညာရပ်တွေအထိ လမ်းပြပေးခဲ့တဲ့ ဆရာတွေအဆုံး သင်ဆရာ ၊ မြင်ဆရာ ၊ ကြားဆရာ အားလုံး နဲ့
နိုးအပေါ်မှာ “ယပ်လေးတစ်ခတ် ၊ ရေအေးတစ်ခွက်” က အစ ကျေးဇူးရှိခဲ့ဖူးတဲ့ ကျေးဇူးရှင်အားလုံးကို ကျေးဇူးအထူးတင်ရှိကြောင်းပါ။

မြန်မာ့ IT နယ်ပယ်ထဲက အမျိုးသမီးတွေကို (အထူးသဖြင့် Coding မရပေမယ့် နိုးလိုမျိုး ဒီ IT နယ်ပယ်ထဲမှာရပ်တည်ပြီး အသက်မွေးကြတဲ့ အမျိုးသမီးတွေကိုပါ) အခုလို အသိအမှတ်ပြုပေးတဲ့ Geek Girls Myanmar Community ကိုလည်းအရမ်းကျေးဇူးတင်ပါတယ်။

ဒီဆုကို နိုးရသွား တယ်ဆိုတာကလည်း အရမ်းကြီးကို အောင်မြင်ကျော်ကြားနေလို့မဟုတ်ဘဲ နိုး ကို ချစ်တဲ့သူတွေရဲ့ Voting တွေကြောင့် သာ ရခဲ့တာဖြစ်လို့ ဝိုင်းဝန်း အားပေးကြတဲ့ ချစ်မိတ်ဆွေ ၊ ဖိုးဖိုး ၊ ဖွားဖွား ၊ ဦးဦး ၊ ဒေါ်ဒေါ် ၊ ကိုကို ၊ မမ ၊ မောင်လေး ၊ ညီမလေး ၊ သားသား ၊ မီးမီ တွေ အားလုံးကိုလည်း ကျေးဇူးအထူးတင်မိပါတယ်။

နောက်ဆုံးအနေနဲ့ကတော့ နိုးရဲ့ သံသရာခရီးဖော် သမုဒ္ဒယ သစ္စာရှင် ကို လည်း အစစအရာရာအတွက် ကျေးဇူးတင်ပါတယ်လို့ ပြောကြားရင်း…….

ငနိုးနှင့် E – Ticket

ဒီမနက်ကပေါ့ အမေက အဖွား နယ်ပြန်မှာမို့ လေယာဉ်လက်မှတ်ဝယ်ဖို့ မြို့ထဲသွားမယ်ပြောတော့
လျှာရှည်တဲ့ ငနိုူးတစ်ယောက် “ဒီလောက်ခေတ်ကြီးမှာ လေယာဉ်လက်မှတ်ဝယ်ဖို့များ မြို့ထဲသွားစရာမလိုပါဘူး။Online ကနေလုပ်လိုက်ရုံပဲ”လို့ အာချောင်မိတယ်လေ။
ကိုယ်တွေက IT နယ်ပယ်ထဲကလေ။ IT သုံးရင် ဘယ်လောက် လွယ်ကုူတယ်ဆိုတာ သက်သေပြချင်တာကိုး။

“အဲ့လို့ဆိုလည်း ပိုက်ဆံယူသွား။စနေနေ့ပြန်မယ့် လေယာဉ်လက်မှတ်ကို ဒီနေ့အရောက်လိုချင်တယ်”ဟု မယ်တော် မားသားကြီးက တစ်ချက်လွှတ် မိန့်တော်မူတယ်။

ရုံးရောက်တော့ ကွန်ပြုူတာလေးဖွင့် ဟိုရှာ ၊ ဒီရှာလုပ်ပြီး စျေးတွေလိုက်ကြည့်။ သဘောတွေကျပြီး အသက်သာဆုံးဆိုတာလေးကို ရွေးပြီး Booking လုပ်။
Payment လည်းကြည့်လိုက်တော့မှ “ငါ့ လခွမ်း ” Online Banking နဲ့မရဘူးဟ။1-Stop လည်းမရဘူး။ Master , Visa နဲ့ပဲရမယ်တဲ့။ ဒါမှမဟုတ် သူတို့ ရုံးချုပ်မှာ ငွေလာသွင်းရမယ်တဲ့။

“မှန်းစမ်း။ “Online Banking ရတဲ့ Airline တွေပြန်ကြည့် လိုက်ပြန်တော့လည်း စျေးက ထက်ဝက်မကပိုများနေတယ်။
ဟူး…………………………………

ဘာလုပ်ရမယ်မှန်းကို မသိတော့ ဘူး။ရုံးအတွက်သုံးတဲ့ Master ကတ်ကြီးကိုလည်း Personal အတွက်မသုံးချင်ဘူး။အလကားနေ စျေးပိုတွေလည်း မပေးချင်ဘူူးရယ်။

နေ့လည်ကျမှ သူတို့ရုံးမှာငွေသွားသွင်းပြီး ညဘက် အိမ်ပြန်ရောက်မှ “အမေရေ ။ ဟော့ဒီမှာ Online ကနေဝယ်တဲ့E Ticket ဆိုတာကြီးလေး”ဆိုပြီး ခပ်တည်တည်နဲ့ပေးလိုက်တော့မယ်။
လွယ်တော့မလွယ်ဘူး။ ဒါပေမယ့် ကြံတတ်ရတာပေါ့လေ။

ချောင်ချင်ဦးအာ။

ရှည်ချင်ဦး လျှာ။

Childhood Memo

နိုးဘဝတစ်လျှောက်လုံးမှာ မိဘကို ပူဆာခဲ့တာ လက်ချိုးရေလို့ရတယ်။

အဲ့ဒီထဲမှာ မှတ်မှတ်ရရကတော့

ဇာတိရခိုင်ကနေ ရန်ကုုန်ရောက်ရောက်ချင်း အသက် (၂) နှစ်ခွဲအရွယ်မှာ ကျောင်းတက်ချင်လို့ပူဆာခဲ့ဖူးတာပဲ။

အမေက စိတ်မချလို့

“ငယ်သေးတယ်”။

“ဗမာစကားမတတ်ဘဲကျောင်းတက်လို့မရဘူး။”

“နို့ဗူး မပြတ်သေးဘဲ ကျောင်းတက်လို့မရဘူး။”

စသဖြင့်စသဖြင့် အကြောင်းပြချက်မျိုးစုံပေးလည်း “ကျောင်းတက်ချင်တယ်”ပဲ။

ဦးလေးတွေက

“ကျောင်းမတက်ပါနဲ့ဦး အရုပ်တွေဝယ်ပေးမယ် / မုန့်တွေဝယ်ပေးမယ်”လို့

မက်လုံးတွေပေးလည်း “ကျောင်းတက်ချင်တယ်”ပဲ။

မရမက ပူဆာလွန်းလို့  အမေက နိုးကို တစ်ပတ်အတွင်း ဗမာစကားတတ်အောင်သင်ပြီး မူကြိုပို့ရပါလေရော။

အခုချိန်ထိ မှတ်မိနေသေးတယ်။

မိုင်လို အပြည့်ဖျော်ထည့်လာတဲ့ ဓါတ်ဗူးတစ်လုံးနဲ့ နို့ဗူးတစ်ဗူး။

(ထမင်းစားပြီးနဲ့ နေ့လည်းအိပ်ယာကနိုးရင် စို့ဖို့)

ထမင်းဗူးအပြာကြီး။ (အဲ့ထမင်းဗူးကရေဗူးအနီးကြီးနဲ့ တစ်ဆက်ထဲဗျ။)

ထမင်းဗူးထဲမှာ ကန်စွန်းရွက်ကြော်နဲ့ ကြက်ဥကြော်ပါတယ်။

မုန့်ဗူးတစ်ဗူး။ (ဘာပါလဲတော့ မမှတ်မိတော့ပါ)

အကျီင်္ အပိုတစ်စုံ ( ညနေရေချိုးပြီးရင် ၀တ်ဖို့)။

ပြီးတော့ ကျောပိုးအိတ်တစ်လုံး။

မြောက်ကြွ မြောက်ကြွနဲ့မူကြိုသွားတက်တာလေ။

မြေကြီးနဲ့ ခြေထောက်နဲ့မထိဘူး။

ကျောင်းတတ်ရတာ ဘယ်လောက်ပျော်နေလဲဆိုရင်

အမေပြန်ခါနီး တာ့တာ ပြတာတောင် လှည့်မကြည့်လို့

ဆရာမတစ်ယောက်က သတိလာပေးရတယ်။

ကောင်းတဲ့ဖက်ကတွေးရင်တော့ “ကျောင်းပျော်လေး”ပေါ့။

အမှန်တော့ ကိုယ်တွေက အဲ့အရွယ်ကတည်းက အိမ်မကပ်ချင်တဲ့ကောင်။

ဘာရယ်မဟုတ်ပါဘူး

Inside Out ကြည့်ပြီး Core Memory တွေ ပြန်ခေါ်ကြည့်တာ။