၂၁-၁၉-၂၀၁၉

နေပြည်တော်မှာ အတော်အတန်အရေးကြီးတဲ့ Project ကြီးတစ်ခုရတော့ အဲဒီ Project အတွက် စာချုပ်ကို JJ ဘောင်းဘီဝတ်ပြီး လက်မှတ်ထိုးဖူးတယ်။

အဲလိုပဲ လွှတ်တော်မှာ တစ်နေ့တစ်နေ့ Meeting ပေါင်း သောင်းခြောက်ထောင်လောက်ထိုင်ခဲ့ရတဲ့နေ့တွေတုန်းကလည်း ညနေပိုင်းတွေဆို တွေ့ရာ ပလက်ဖောင်းခေါင်းအုံးပြီး နေဝင်ချိန်ကောင်းကင်ကြီးကို ကြည့်လို့အပမ်းဖြေခဲ့ဖူးတယ်။

အခုနောက်ပိုင်းမှာပုံမှန်ထသွားထလာဖိနပ်တစ်ရံအတွက်ငွေ ၂၀၀၀ အထက်မသုံးဖြစ်တာအတော်ကြာပြီ။

ကိုယ်နဲ့သွေးမတော်သားမစပ်ပေမယ့် လစဉ်ကျောင်းစရိတ်အပြင် အဝတ်အစား ၊ မုန့်ဖိုးပဲဖိုးကအစ ထောက်ပံ့ပေးဖြစ်နေတဲ့ကလေးတွေရှိတယ်။

လူသိရှင်ကြား ပွဲအခမ်းအနားတွေနဲ့မဟုတ်ပေမယ့် လမ်းသွားရင်းစီးထားတဲ့ဖိနပ်ချွတ်ပေးခဲ့တာမျိုး ၊ အိမ်ရောက်မှစားဖို့ဝယ်လာတဲ့ မုန့်ထုတ်ပေးပစ်ခဲ့တာမျိုး ၊ ညနေလမ်းလျှောက်ဖို့ထည့်လာတဲ့အဝတ်ထုတ်ချပေးလိုက်တာမျိူးတွေတော့ ကြုံရင်ကြုံသလို ခဏခဏလုပ်ဖြစ်တယ်။

ငနိုးအတွက်တော့ အသက်ရှင်နေရမှုရဲ့အဓိပ္ပာယ်ဟာ အရေခွံကောင်းကောင်းတစ်ခုထက် အများကြီးပိုသလို နာမည်ကြီးတံဆိပ်တပ်စျေးကြီးအဆင်တန်ဆာတွေထက် အဆမတန်သာလွန်ခမ်းနားတယ်။

#NOe

၂၀-၁၀-၂၀၁၉

သိဒ္ဓတ္ထဟာ စကြာဝတေးမင်းအဖြစ်ကို စွန့်ပြီး အဝတ်တစ်ထည်ကိုယ်တစ်ခုနဲ့တောထွက်သွားတယ်။

သိဒ္ဓတ္ထရဲ့ ချမ်းသာမှုဟာ အခုခေတ်ဘုရင်တွေလို ပါးပါးလေးမဟုတ်ဘူး။

ချမ်းသာမှုတွေထားပါ။

သူ့ကိုခစားရတဲ့အပျိုတော်တွေဆိုတာတောင် နယ်နယ်ရရတွေမဟုတ်ဘူး။

ပြစ်မျိုးမှည့်မထင်အပျိုတော်တွေဟာ အသက် ၂၅ နှစ်ပြည့်ရင် ခစားခွင့်မရှိ။

ဥတု ၃ ပါးအတွက် ပြသာဒ်နန်းဆောင် တွေအပြင် ဆိုင်ရာဆိုင်ရာ စည်းစိမ်အဆောင်အယောင်ပေါင်း များစွာနဲ့။

ရထားတဲ့မိန်းမဆိုသည်မှာလည်း လူမက နတ်မကျလှတဲ့ ဘဒ္ဒကစ္စနာ။

ဒါပေမယ့်လည်း သိဒ္ဓတ္ထက အားလုံးထားပြီး တောထွက်သွားတယ်။

အားလုံးထားခဲ့တာနော်။

ဘာအဝတ်မှမယူသွားတာ။ဘာပစ္စည်းမှမယူသွားတာ။အပ်တိုတစ်ချောင်းတောင်မယူသွားဘူး။

အနော်မာသောင်ကမ်းမှာဆံပယ်ပြီးတောထဲဝင်တော့ တောစပ်မှာ ဆာဒူးဆိုလား ၊ သူတောင်းစားဆိုလား (မသဲကွဲတော့) နဲ့တွေ့တော့ နန်းတော်ကဝတ်လာတဲ့ နန်းဝတ်နန်းစားတွေချွတ်ပေးပြီး အဲ့သူတောင်းစားအဝတ်တွေနဲ့ လဲဝတ်သွားသေးတာ။

(တစ်ချို့ကလည်း ဗြမ္မာမင်းကဆက်သတဲ့ သင်္ကန်း ဘာညာနဲ့ အမွှန်းတင်ကြလေရဲ့။ တကယ်က အဝတ်စုတ်ပဲ။ လူ့ပြည်ကနန်းဝတ်နန်းစားတောင်စိတ်မဝင်စားတာ ဗြမ္မာသင်္ကန်းဝတ်ပါလိမ့်မယ် အားကြီးကြီး။)

ဘုရားဖြစ်တော့လည်း သင်္ချိုင်းသွားပြီး ပြည်တည်ပုပ်ပွနေကျွန်မအလောင်းက လောက်တဖွားဖွားနဲ့အဝတ်ကိုကောက်ယူပြီး ပံ့သကူသင်္ကန်းလုပ်ဝတ်သတဲ့။

ရှင်မဟာကဿပကိုပေးခဲ့တာ အဲဒီပံ့သကူသင်္ကန်းပေါ့။

အခုခေတ် ဗုဒ္ဓဘာသာဆိုတဲ့သူတွေ ဘာသာရေးနဲ့ပတ်သတ်တဲ့အခမ်းအနားတွေသွားခါနီး အဝတ်ရွေးပြီးဗျာများနေတာမြင်ရင် သူ့ကိုသတိရတယ်။

#NOe

၁၈-၁၀-၂၀၁၉

ဒီနေ့ရုံးခန်းပြောင်းတယ်။

မနက်အစောကြီးကတည်းက စျေးသွားပြီး မုန့်တီချက်ထားတယ်။

ရီချေက ခြေခေါက်လို့မလာနိုင် ၊ ထွန်းအိမ်ပိုင်ကလည်းမလာနိုင်။

လူစုံတက်စုံမဟုတ်ပေမယ့် ပျော်ဖို့တော်တော်ကောင်းတယ်။

ဘူးသီးလာကူတယ်။

ကလေးမက အစ်မကိုတော့ချစ်ရှာသား။

အိမ်ပြောင်းကားကနောက်ကျပေမယ့်ပြောင်းတာတော်တော်တော့မြန်တယ်။

နေရာချရတာပဲခက်တာ။

ဒါပေမယ့်တော်တော်တော့ပြီးသွားတယ်။

ဝေဝေ က မနားတမ်းကိုလုပ်နေတော့တာ။

ရိုးသက ရုံးအသစ်ကိုတော်တော်သဘောကျပုံပဲ။

စရိတ်တွေက တက်လာပြီ။

ပိုက်ဆံတွေပိုရှာရမယ်။

ညနေကျတော့ မြတ်ကိုရောက်လာတယ်။

၆ နာရီထိုးတော့ ထုံးစံအတိုင်း ကန်တော်ကြီးဖက်လမ်းလျှောက်ထွက်တယ်။

ကန်တော်ကြီးကို ကထွင်းနဲ့ ၂ ယောက်သား၂ ပတ်ပတ်နေတာ ၃ ရက်ရှိပြီ။

အရင်က ၁ ပတ်။

ကျိုက်ထီးရိုးကပြန်လာပြီးကတည်းက ၂ ပတ်ပတ်ဖြစ်နေတာ။

ခြေဖဝါးတွေနာတာမပြောပါနဲ့။

မတတ်နိုင်ဘူးလေ။

လျှောက်မယ်ဆုံးဖြတ်ထားရင် မဖြစ်ဖြစ်အောင်လျှောက်ရမှာပဲ။

ဘဝဟာလည်း …….. မဖြစ်ဖြစ်အောင်လျှောက်ရမှာပဲ။

#NOe

Gym သွားချင်နေပါတယ်

ဒီနေ့မနက်လည်းစောစောနိုးတယ်။

နိုးနိုးချင်း Gym သွားချင်စိတ်ပေါက်တယ်။

ဟူး…..

တကယ်တော့ gym ဆိုတာ ကိုယ်နဲ့ စိမ်းတဲ့နေရာမဟုတ်။

ကိုယ်တွေ ဆယ်တန်းအောင်ခါစ gym စဆော့တုန်းကဆို ရန်ကုန်မှာ အခုလို gym culture သိပ်မထွန်းကားသေး။

အဲဒီကတည်းက ဆော့တာ။

တစ်နေ့ ၂ ကြိမ်ဆော့ခဲ့တဲ့အချိန်တွေတောင်ရှိခဲ့သေး။

နေပြည်တော်မှာ ရုံးစခွဲတော့ gym နားလိုက်တယ်။

ဒီကြားထဲ ဟော့ပေါ့တွေမတရားစားပြီး နည်းနည်းဝလာတော့ gym ပြန်ဆော့ပါသေးတယ်။

နောက်တော့ “ဟယ် .. ဝလိုက်တာ ။ gym ဆော့ပါလား ။ဗလာဗလာ “နဲ့ လာပြောကြတဲ့သူတွေကို ရွံ့လို့တမင်ကိုမဆော့ပဲနေပစ်တာ။

တကယ်ဝတယ်ဆိုတာ ဘာလဲ သိအောင်ပြချင်တာလည်းပါတယ်။

အခုတော့မနက်ပိုင်းတွေ gym ပြန်ဆော့တော့မယ်ဆံုးဖြတ်တယ်။

နောက်တစ်ပတ်က စပြီးပေါ့။

ခန္ဓာကိုယ်လှဖို့ဆိုတာ ငနိုးအတွက် မခက်ခဲကြောင်း …

#NOe

၁၂-၁၀-၂၀၁၉

မနေ့ညက ၃ နာရီခွဲမှ အိပ်ပျော်သွားလို့ ဒီမနက်အိပ်ရေးဝဝအိပ်မယ်တွေးထားပေမယ့် စောစောထလိုက်ရတယ်။

အိမ်ကလူတွေအလှူရှိတာကို။

အိမ်ကလုပ်တဲ့အလှူဆိုပေမယ့် ကိုယ်နဲ့ဘာမှမဆိုင်ဘူးရယ်။

ကိုယ့်တာဝန်က အလှူငွေလာကောက်ရင်ထည့်ဖို့ကလွဲ အခြားမရှိ။

သန်းခေါင်စာရင်းအရသာ မိသားစုစာရင်းဝင်နေပေမယ့် ဘေးထွက်ထိုင်နေခဲ့ရတာကြာပြီကို။😁

ဒါပေမယ့် အဖွားက အလှူလုပ်မယ့် ဘုန်းကြီးကျောင်းပို့ပေးပါဆိုလို့ အိမ်ယာကနေ ကဗျာကယာထပြီး ရေမိုးချိုးသွားပို့ပေးလိုက်တယ်။

တကယ့်တော့ အဲလိုလူများတဲ့ အလှူတွေ သိပ်မသွားချင်လှ။

ဘုရားရိပ်တရားရိပ်မှာ ရွှေတွဲလွဲ ငွေတွဲလွဲ ပြောင်ပြောင်ရောင်ရောင်တွေ မြင်ရင် အူယားလာတတ်တာလည်းပါတယ်။😂

ထားပါတော့ …

အဖွားကိုပို့ပြီးတော့ ကားဝပ်ရှော့သွားသေးတယ်။

ပိတ်ထားတာနဲ့ဘေးနားက ပရိဘောကအလုပ်ရုံမှာ ကျွန်းကုတင်နဲ့ ကျွန်းစားပွဲသွားကြည့်ပြီးပြန်ခဲ့တယ်။

မယဉ်လှကိုသွားခေါ်ပြီး ရုံးခန်းအသစ်နဲ့ မင်္ဂလာဆောင်ပြီးရင်နေမယ့်အခန်းကိုသွားရှင်းတယ်။

တော်တော်ရှင်းယူရတယ်ဟ။

လူကိုညောင်းချိနေအောင်ရှင်းရတယ်။

ဒါပေမယ့် “ဒါ ငါနေရမယ့် ငါ့အပိုင်နေရာလေးပါလား” ဆိုတဲ့အသိလေးကတော်တော် ပီတိဖြစ်ရတယ်။

နေ့လယ်ကျတော့ အဖွားက လာကြိုဖို့လှမ်းခေါ်တာနဲ့ မနက်ကဘုန်းကြီးကျောင်းပြန်သွားရပြန်ရော။

အခန်းရှင်းလက်စနဲ့မို့တော်တော် ပုံစံကစုတ်ပြတ်သတ်နေပေမယ့် အဖွားကိုအကြာကြီးမစောင့်စေချင်လို့ အဝတ်လဲမနေတော့ဘဲထွက်လာခဲ့တယ်။

ဟိုရောက်တော့ လူတွေအများကြီးနဲ့တိုးတယ်။

ဆေးဆိုးပန်းရိုက်လူတွေကြားမှာ ထုံးစံအတိုင်း ကိုယ်တွေဟာ သင်းကွဲ 😂

အမေမဟုတ်တဲ့ အခြားသူတွေက ထမင်းဝင်စားဖို့လှမ်းခေါ်ကြပေမယ့် (ကံကောင်းတယ်ပြောရမယ်) သက်သတ်လွတ်မရှိလို့ဝင်မစားဖြစ်ခဲ့ဘူး။

ကိုယ်နဲ့မဆိုင်တဲ့ နေရာတစ်ခုမှာ ထမင်းစားဖို့မဆိုနဲ့ ။

လေရှူရတာတောင် အဆင်မပြေလှ။

အဖွားကိုခေါ်ပြီးအိမ်ပြန်ပို့တယ်။

ပြီးတော့ အိမ်ဆက်ရှင်းတယ်။

ညနေရောက်တော့ လူကြီးတွေကိုကန်တော့ဖို့ဆိုပြီးလှမ်ရခေါ်လို့ အိမ်ရှင်းလက်စနဲ့ပဲထွက်ခဲ့ရပြန်တယ်။

တကယ်တော့ ကန်တော့တယ်ဆိုတာကို အယုံအကြည်မရှိတာကြာပြီ။

နောက်ပြီးကိုယ်ဘာအမှားမှမလုပ်ထားသည့်တိုင် ကာယကံ ၊ ဝစီကံ ဘာညာသာရကာ ဘလာဘလာနဲ့ ဝန်ချတောင်းပန်ကန်တော့ လည်း ဘယ်တော့မှ ခွင့်လွှတ်ပေးမှာမဟုတ်တဲ့ အမေ့ကို ကန်တော့နေတော့ရော ဘာထူးမှာမို့လဲ?

အမေ မက်လောက်စရာကောင်းလောက်တဲ့ ငွေထုပ်ကြီးနဲ့ကန်တော့တယ်ဆိုရင်တော့လည်းတစ်မျိုးပေါ့။😂

လူတွေကသာ အမျိုးမျိုးထင်ကြေးတွေပေးနေကြတာ။တကယ်တမ်းအမေနဲ့ကိုယ့်ကြား ပြဿနာကိုဖြေရှင်းနိုင်မှာက ပိုက်ဆံပဲ။

ဘာလို့ဒီလိုပြောရတာလဲဆိုတာ တစ်နေ့တော့ အခြားသူတွေ နားလည်လာပါလိမ့်မယ်။

ဒီတော့

ပိုက်ဆံရှာရမယ်။အများကြီးရှာရမယ်။

အလုပ်တွေလည်း ဒီ့ထက်ပိုကြိုးစားရမယ်။

အိမ်း …

#NOe

၁၀-၁၀-၂၀၁၉

မနက်၅ နာရီကတည်းက အလုပ်ထလုပ်မိတယ်။

မနက်စောစောထဖြစ်တဲ့နေ့တွေရဲ့ထုံးစံအတိုင်း ဒီနေ့ဟာ တာရှည်လွန်းတယ်။

အဖြစ်အပျက်တွေလည်းအရမ်းများတယ်။

သေချာတာကတော့ ငွေပိုရှာရမယ် ဆိုတာပဲ။

အခုတစ်လော စိတ်ဇောအဟုန်ဟာ ပိုက်ဆံတွေနောက်ပဲ အရှိန်နဲ့လိုက်နေမိတာ သတိထားမိတယ်။

ဒီအတိုင်းပဲဆက်လွှတ်ထားဖို့ ဆုံးဖြတ်ထားတယ်။

“Think Different” ဖို့ထက် “Think Profit” က ဒီအချိန်မှာ ဖြစ်သင့်ဆုံးပဲလေ။

ဒါမှ အသက် ၃၀ ပြည့်ပြီးရင် “Think Different” ကိုဘောင်ကျော်ပြီး “Think Insane” တွေဖက် ခြေဦးလှည့်နိုင်မှာ။

မနက်ဖြန်ကနေစပြီး သီတင်းကျွတ်ပိတ်ရက်ရှည်စပြီဆိုပေမယ့် ရုံးသွားပြီးအလုပ်လုပ်ရမယ့်အနေအထားတွေရှိတယ်။

ဒီနေ့အရမ်းပင်ပန်းလွန်းလို့ညနေ မိုးသည်းထဲမှာ မိုးရေထွက်ချိုးပစ်လိုက်တယ်။

ခဏတာတော့ ပေါ့ပါး လန်းဆန်းသွား

#NOe

၀၉-၁၀-၂၀၁၉

Facebook မသုံးဖြစ်တာ ၁ လလောက်ရှိတော့မယ်။

ဒီတစ်လအတွင်း အလုပ်တွေအများကြီးလုပ်ဖြစ်တယ်။

အရင်ကထက်ပိုပြီး ပတ်ဝန်းကျင်ကိုလည်းအာရုံစိုက်ဖြစ်တယ်။

ညနေခင်းတွေဆို ကန်တော်ကြီးကို ပုံမှန်လမ်းလျှောက်ထွက်တယ်။

နေဝင်ချိန်ကို သေသေချာချာ ခံစားတယ်။

ကားကြပ်တဲ့အချိန်တွေဆိုလည်း ဘေးဘီ ဝဲယာသေချာကြည့်ဖြစ်တယ်။

လမ်းသွား လမ်းလာတွေ ၊ ကားစောင့်သူတွေ ၊ စျေးသည်တွေ ၊ ကလေးတွေ ၊ ငှက်တွေ ၊ လမ်းဘေးခွေးတွေ ၊ ဘတ်စ်ကားတွေ …

အကုန်လုံးကို သေချာအချိန်ပေး အလေးထား ဂရုတစိုက်ကြည့်ဖြစ်နေတော့ ကမ္ဘာကြီးဟာအရင်ကထက်ပိုလှလာတယ်။

 

ရုံးချိန်မှာလည်း အလုပ်ကို အာရုံစိုက်ရတာပိုကောင်းလာတယ်။

ဂိမ်းဆော့ချိန်လည်းပိုရလာတယ်။

ဒါပေမယ့် … ဂိမ်းလည်း ထင်သလောက်တော့မဆော့ဖြစ်ပြန်ဘူး။

Screen Time ကို လျော့သထက်လျော့အောင် လုပ်ချင်နေတယ်။

သက်သတ်လွတ်စားတာကလည်း ၄ လပြည့်တော့မယ်။

ဒီကြားထဲမှာ ကိုထွန်းလင်းနဲ့ဒံပေါက်သွားစားတဲ့နေ့က ကြက်သားနည်းနည်းစားဖြစ်လိုက်သေးတယ်။

ဒံပေါက်ထဲက အသားက ပုံမှန်တွေထက် ပိုနူးညံ့တယ်ဆိုပေမယ့် ကိုယ့်အတွက်တော့ အရမ်းမာနေလို့ မနည်းဝါးလိုက်ရတယ်။

ဝါးပြီးတော့ လည်း မျိုချဖို့ ကိုတော်တော် ကြိုးစားလိုက်ရတယ်။

အရသာတော်တော်ရှိတာတော့ ဝန်ခံရမယ်။

ဒါပေမယ့် နောက်နေ့ ဝမ်းချုပ်ပြီး အိမ်သာမတက်နိုင်လို့တော်တော်တော့ ဒုက္ခရောက်သွားသေးတယ်။

SUNDEW နဲ့ပတ်သတ်ပြီးပြောရရင် ဒီလထဲ ရုံးခန်းအသစ်ကိုပြောင်းမယ်။

ဟိုဖက်ရုံးခန်က ဒီဖက်ရုံးခန်းထက်အများကြီးလှတယ်။ဒီရုံးခန်းလေးကိုတော့ သံယောဇဉ်ရှိနေတယ်။

ဒါပေမယ့် အရမ်းငြီးငွေ့လာတာတော့ ပြောင်းဖို့ဆုံးဖြတ်လိုက်တယ်။

SUNDEW ၁၀ နှစ်မပြည့်ခင်မှာ Campus သေးသေးလေးတစ်ခုလောက်တော့ လိုချင်သားရယ်။

မနေ့က ခုံတွေဆေးသုတ်ရင်တော့ “အော် … ဒီခုံတွေတောင် ပိုင်ရှင်တွေ အများကြီး ပြောင်းပြီးပါရောလား” လို့ ဆိုပြီး SUNDEW ရဲ့ ဖြတ်သန်းခဲ့တဲ့ တစ်လျှောက်ကို သတိရသွားသေးတယ်။

အေးလေ…… ၉ နှစ်တောင်ပြည့်တော့မှာပဲကို…..။

နောက်ပြီး ကိုယ်သူငယ်တန်းကနေ ဆယ်တန်းထိ စာလုပ်ခဲ့တဲ့ ခုံလေးရယ် ၊ နှစ်တန်းကနေ ဆယ်တန်းအထိသုံးလာတဲ့ စာအုပ်စင်လေးရယ်ကို တွေ့ပြီး “ငါတော်တော်အသက်ကြီးလာပါလား”လို့တောင် တွေးမိသေးတယ်။

ပြောနေကျအတိုင်းပြောရရင်တော့ “လက်ရှိအခြေအနေကို ကျေနပ်ပါတယ်။ဒါပေမယ့် မရောင့်ရဲနိုင်ဘူး”။

ဒါ့ကြောင့် လုပ်တွေအရင်ကထက်ပိုကြိုးစားချင်တယ်။

ပိုက်ဆံတွေလည်း ဒီ့ထက်အများကြီးပိုရှာနိုင်ချင်တယ်။

 

 

 

၁၂ လပိုင်းမှာ မင်္ဂလာဆောင် ဖို့ရှိတယ်။

မင်္ဂလာဆောင်ပြီးရင် ကိုထွန်းလင်းကို ပင်ပင်ပန်းပန်းဘာမှမလုပ်စေချင်ဘူး။

သူဝါသနာပါတဲ့ ပန်းချီလေးဆွဲပြီး အေးအေးဆေးဆေးလေးပေးနေချင်တယ်။

အခုအချိန်မှာ သူ့ကိုသွားပြောရင်တော့ “ခင်ဗျားကပြောနေတာပဲ။ဟုတ်တာလည်းမဟုတ်ဘူး။” ဆိုပြီးပြန်ပြောလိမ့်မယ်။

ဒီတော့ အလုပ်နဲ့ပဲ သက်သေပြတော့မယ်။

၂၀၂၀  ထဲမှာတော့ လုံးချင်းအိမ်လေးတစ်လုံး ဆောက်နိုင်ချင်တယ်။

Anyway…. Dreams Do Come True.

#NOe

ပုတ်သင်ညိုတစ်ကောင် လူယောင်ဆောင်နေသည်(၁)

ပုတ်သင်ညိုတစ်ကောင်နှင့်ဆုံဖူးသည်။

ဆုံဖူးသည် ဆိုသည်ထက် သူက  ကျွနု်ပ်ကို လာဆုံသည်ဆိုပိုမှန်မည်။

ဟုတ်သည်။

ပုတ်သင်ညိုတစ်ကောင်လာဆုံဖူးသည်။

ထိုစဉ်က ကျွနု်ပ်သည် တောင်တန်းတွေဖက် ခရီးသွားရန်ပြင်ဆင်နေခဲ့သည်။

ပုတ်သင်ညိုက ကျွနု်ပ် နှင့်လိုက်ချင်သည်ဆို၍ အိတ်ကပ်ထဲထည့်ခေါ်သွားခဲ့ဖူးသည်။

ခရီးလမ်းတစ်လျှောက်မှာ ပုတ်သင်ညိုက သူ့မိသားစုအကြောင်းတွေပြောပြသည်။

ခက်ခဲကြမ်းတမ်းလှ၍ဆွေမျိုးတွေမျက်နှာကြည့်နေရသည့်အဖြစ်အပျက်များပါသလို ချမ်းသာလွန်း၍ အရပ်ထဲတွင် ဘယ်သူကမှမနာလိုကြသည့်အကြောင်းများလည်းပါသည်။

ကျွနု်ပ်မှာလည်း ဘာပြန်ပြောရမှန်းမသိ၍ နှုတ်ဆိတ်၍သာနားထောင်ပေးခဲ့ရသည်။

တစ်ချက်တစ်ချက် ပုတ်သင်ညိုက မိကျောင်းမျက်ရည်တွေကျသည်။

ခရီးကပြန်လာပြီးနောက်ပိုင်း ပုတ်သင်ညိုက ကျွနု်ပ် နေရာတွင် နေခွင့်ပေးရန်တောင်းလာ၍ တစ်နေရာစာပေးနေခဲ့မိသည်။

ကျွနု်ပ်နေရာတွင် အနေကြာပြီး ကျွနု်ပ်၏ အစာတော်တော်များများစားပြီးနောက် ပုတ်သင်ညိုက ကျွနု်ပ်တွင် ရွှေဆွဲကြိုးများမှ တစ်ကြိုးကို သူ့လည်ပင်းတွင် ဆွဲလိုကြောင်း  ငိုယိုပြလာသည်။

 

ဤသို့ဖြင့် ………

 

(ဆက်ရန်)

 

 

facebook ဖြတ်မှဖြစ်တော့မယ်

ဟိုတစ်လောက facebook ဖြတ်ဖို့ကြိုးစားခဲ့သေးတယ်။

အဆင်ပြေနေတာပဲ။

ဒါပေမယ့် ကိုထွန်းလင်းကိုမွေးနေ့အမှတ်တရ Video လေးတင်ပေးချင်လို့ဆိုပြီ ပြန်သုံးဖြစ်သွားတာ။

အခုတော့ ဖြတ်မှရတော့မယ်။

တော်တော်စိတ်ဒုက္ခပေးလွန်းလို့။

မထော်မနှမ်းတွေတော်တော်များလာတယ်။

ပေါက်ကရတွေလုပ်ရင်း အနုပညာရှင်ဆိုပြီး မထော်မနန်းတွေ နာမည်တပ်ခံလိုက်ရတဲ့သူတွေများလာတော့ သူသူငါငါက Facebook မှာ ပေါက်ကရတွေလုပ်ဖို့ပဲကြိုးစားလာကြသလားလို့။

နောက်ပြီး ကိုယ်တိုင်က ဘာမှ မယ်မယ်ရရမဟုတ်ဘဲ လူတကာကိုလိုက်ပြီး အောင်မြင်ကျော်ကြားမှုဆိုတာ ဘာညာ နဲ့ စဆရက လိုက်လုပ်နေကြသူတွေကလည်းတစ်မျိူး။

အာရုံတော်တော်နောက်လာရတယ်။

ကိုယ်တွေကအခွီတစ်လိုင်းလေ။

Deactivated လုပ်ဖို့ကျပြန်တော့လည်း MeFood Page က ရှိနေပြန်တယ်။

စိတ်ညစ်တယ်။

အခုတော့ Phone မှာ Facebook App ကိုဖျက်ထားလိုက်ပြီ။

PC မှာလည်းအတတ်နိုင်ဆုံးမသုံးဖြစ်အောင် ဂရုစိုက်ရတော့မယ်။

ရေးချင်တာတွေရှိရင်လည်း ဒီ  Website မှာပဲရေးတင်တော့မယ်။

You Tube မှာလည်း Vlog တွေတင်နိုင်အောင်ကြိုးစားရဦးမယ်။

#NOe

NOe Trend ,NOe Brand

-မွတ္မွတ္ရရ ငႏိုးတို႕ ၆တန္းေက်ာင္းသူအ႐ြယ္ေပါ့။

ရန္ကုန္မွာ ဆံပင္ေျဖာင့္တာေတြ စေခတ္စားတယ္။ငႏိုးတို႕ေက်ာင္းက မိန္းကေလးေက်ာင္းဆိုေတာ့ (Tomboy အခ်ိဳ႕ကလြဲလို႕)တစ္ေက်ာင္းလံုးနီးပါး ဆံပင္ေျဖာင့္ၾကတယ္။

ငႏိုးမေျဖာင့္ခဲ့ရဘူး။

အေမကမေျဖာင့္ေပးလို႕။

– ၈တန္းေလာက္ေရာက္လာေတာ့ အဝတ္အစားဆို Step တို႕ , True တို႕ , T-Zar တို႕တစ္ေခတ္ထတယ္။

ဖိနပ္မွာဆို စေကာ ေပါ့။

ဘုရားစူးရပါေစ့။

(အခုအခ်ိန္ထိ) ဘာတစ္ခုမွမဝတ္ဖူးခဲ့ဘူး။

အေမကမဝယ္ေပးလို႕။

-ဆယ္တန္းေအာင္ေတာ့ Gioderno ေခတ္စားျပန္တယ္။အနားေတာင္မကပ္ခဲ့ရဘူး။

ပိုက္ဆံမတတ္ႏိုင္လို႕။

အဲဒီလိုနဲ႕ပဲဆိုၾကပါစို႕ရယ္။

(ကိုယ့္အတြက္အသံုးမဝင္ရင္၊ သေဘာမက်ရင္)တစ္ေခတ္တစ္ခါ Trend ျဖစ္တဲ့ Brand ေတြကို ကိုယ္နဲ႕မဆိုင္သလိုသေဘာထားတတ္တာဟာ အက်င့္တစ္ခုလိုကိုျဖစ္သြားတာပဲ။

အခုလည္း တကယ္လို႕မ်ား”Charles & Keith နဲ႕ LV တစ္အိတ္မွမရွိတဲ့သူေတြကို သတ္ေစ”ဆို ငႏိုးထိပ္ဆံုးကအရင္ေသမွာ။

(တစ္လက္စတည္း ေလာေလာဆယ္ကိုင္ျဖစ္ေနတဲ့ Branded အိတ္ေလးေတြကိုထုတ္ႂကြားလိုက္ပါတယ္။

-လိေမၼာ္ေရာင္ေလးက MeFood Brand ပါ။ ႏိုးတို႕ရံုးက လက္ေဆာင္အေနနဲ႕ ထုတ္တာပါ။မိုးကာသား ႀကိဳးဆြဲရံႈ႕အိတ္ေလးမို႕ ေရစိုခံတာေၾကာင့္ ေတာင္တက္ ခရီးေတြထြက္ရင္ အသံုးမ်ားပါတယ္။

– အျဖဴေရာင္ခ်ည္သားအိတ္ေလးက Tech Age Girls Myanmar က လက္ေဆာင္ရတာပါ။”တစ္ႏွစ္တစ္အိတ္ရပါတယ္။မႏွစ္ကအိတ္ေလးကိုေတာ့ အိမ္က အငယ္ေကာင္ အပိုင္စီးသြားပါတယ္။”ဒီအိတ္ေလးကိုေတာ့ ေနျပည္ေတာ္တို႕ ဘာတို႕မွာအစည္းေဝးေတြသြားတက္ရရင္ကိုင္ျဖစ္ပါတယ္။

– အလယ္က ႐ိုးရာလြယ္အိတ္နဲ႕ ပိုက္ဆံအိတ္အေသးေလးကေတာ့ ေန႕တိုင္းကိုင္ျဖစ္ေနတဲ့အိတ္ေတြပါ။က်ိဳက္ထီး႐ိုးကေနဝယ္လာတာျဖစ္ပါတယ္။လြယ္အိတ္က ၃၅၀၀ ေပးရၿပီး ပိုက္ဆံအိတ္ကေတာ့ ၁၀၀၀ ပါ။

လြယ္အိတ္ကအနက္ဆိုေတာ့ အေပလည္းခံပါတယ္။

ေရေလွ်ာ္လို႕လည္းရပါတယ္။

ေပါ့ေပါ့ပါးပါးလည္းျဖစ္ေတာ့ အိတ္ကကိုယ့္ကို လြယ္တာမဟုတ္ဘဲ ကိုယ္ကအိတ္ကိုလြယ္တယ္ ဆိုတဲ့ ခံစားခ်က္ကိုအျပည့္အဝရေစပါတယ္။

ေဘးတိုက္ပဲလြယ္လြယ္၊ စလြယ္ပဲသိုင္းသိုင္း ၊ လက္ကပဲဆြဲဆြဲ အဆင္ေျပလြန္းတာေၾကာင့္ ႏိုးကေတာ့ ႐ိုးရာလြယ္အိတ္ေလးကို အရမ္းသေဘာက်ေနပါတယ္။

သို႕ေပမယ့္ ႐ိုးရာခ်ည္ထည္ အက်ႌအပြနဲ႕ရွမ္းေဘာင္းဘီတြဲဝတ္၊ ဝါးဦးထုပ္ေဆာင္း၊ လြယ္အိတ္လြယ္ ၊ သနပ္ခါးလူးၿပီး ရန္ကုန္ျမိဳ႕ထဲသြားရင္ ေဘာက္မဲ့ေၾကာင့္ ဘိုလိုခ်ည္းလာေျပာၾကလဲဆိုတာေတာ့အခုထိအေျဖရွာမရေသး။)

#NOe